Do'a Keusidroe Ayah

Allahu allah neutulong kamoe,
nibak kalinyoe hingga keudua,
cukop brat hatee sabe lam teumo,
teuingat keudroe ngen ayah bunda.

Neubrie seulamat ke ayah kamoe,
sehat uronyoe hingga troh masa,
beukuwat iman umu beusampo,
ibadat keudroe ya pho ta'ala.



Lee thon nyang kaleh operasi geu ujoe,
sibeleun sampo dalam derita,
badan teh lemoh lagang ngen asoe,
sabe tip uroe ubat geurasa.

Wahe ya rabbi nyang maha kudrat,
kamoe meusapat intat ayahanda,
u rumoh saket tujauan lekat,
jak meu ubat penyakit raya.

Lee tat habeh sen kamoe bloe ubat,
demi jet sehat ayah tercinta,
dile ie mata bunda meukarat,
han pat peu ubat belanja raya.

Meubek lee nemoe bunda meutuah,
serah bak allah nyang pho kuasa,
langkah rezeki ibadah bagah,
mumat bek rubah Allah nyang jaga.

Ayah boh hatee saba keu ubat,
bah keh meukarat kamoe nyang jaga,
karena dianeuk sayang leumpah tat,
bakti akhirat kamoe keugata,

bek neuingat ube nyang habeh,
allah nyang peugleh geuganto teuka,
ayah beusehat kamoe meuhabeh,
hatee kamoe gleh tulong ayahanda